मंडळी राज्यातील अनेक शेतकऱ्यांनी फार्मर आयडी कार्डसाठी नोंदणी केली असून, आता त्यांना युनिक आयडी मंजूर झाल्याचे संदेश मिळू लागले आहेत. त्यामुळे हे कार्ड कसे डाउनलोड करायचे आणि त्याचा स्टेटस कसा तपासायचा याची माहिती घेणे आवश्यक आहे. चला तर मग, संपूर्ण प्रक्रिया समजून घेऊया.
फार्मर आयडी कार्ड म्हणजे शेतकऱ्यांसाठी राज्य सरकारने सुरू केलेली एक डिजिटल ओळख आहे. Agristack Scheme अंतर्गत या कार्डाचा वापर करून शेतजमिनीची माहिती, पिकांचे उत्पादन, बाजारभाव, जमीन मालकीशी संबंधित सर्व माहिती एकाच ठिकाणी मिळणार आहे. या कार्डाच्या मदतीने शेतकऱ्यांना विविध सरकारी योजनांचा लाभ घेणे सोपे होणार आहे.
फार्मर आयडी कार्डचा स्टेटस तपासण्यासाठी अधिकृत वेबसाइटला भेट द्यावी. त्यासाठी https://apfr.agristack.gov.in/farmer-registry-ap/#/checkEnrolmentStatus या लिंकवर क्लिक करावे. जर तुम्ही आधीच नोंदणी केली असेल, तर आधार क्रमांक टाकून Submit बटणावर क्लिक करा. त्यानंतर तुमच्या नोंदणीची सर्व माहिती स्क्रीनवर दिसेल.
जर तुम्हाला युनिक फार्मर आयडी मंजूर झाला असेल, तर तो स्क्रीनवर दिसेल. सध्या यात दुरुस्तीचा पर्याय उपलब्ध नाही, त्यामुळे नोंदणी करताना दिलेली माहितीच दर्शवली जाईल.
फार्मर आयडी कार्ड डाउनलोड करण्यासाठी https://apfr.agristack.gov.in वर लॉगिन करावे. आधार क्रमांक टाकून लॉगिन केल्यानंतर तुम्हाला तुमची संपूर्ण माहिती दिसेल. त्यानंतर Generate PDF किंवा Download PDF या पर्यायावर क्लिक करून कार्ड डाउनलोड करावे आणि त्याची प्रिंट काढावी.
लवकरच पंतप्रधान नरेंद्र मोदी आणि कृषी मंत्री यांच्या हस्ते अधिकृतपणे हे कार्ड वितरित होणार आहे. शेतकऱ्यांना पोस्टाद्वारे देखील हे कार्ड पाठवले जाणार आहे. तसेच इच्छुक शेतकरी Agristack च्या संकेतस्थळावरून स्वतः कार्ड डाउनलोड करू शकतात.
फार्मर आयडी कार्डमुळे शेतकऱ्यांची सर्व माहिती डिजिटल स्वरूपात एकाच ठिकाणी उपलब्ध होणार आहे. सरकारी योजना, अनुदान आणि कर्जसुविधांचा लाभ घेणे सोपे होईल. पिकांसंबंधी अपडेट्स, बाजारभाव आणि जमीन मालकीची खात्रीशीर माहिती मिळेल. तसेच डिजिटल शेती व्यवस्थापनाला चालना मिळणार आहे.
ही संपूर्ण प्रक्रिया करून तुम्ही तुमच्या फार्मर आयडी कार्डचा लाभ सहज घेऊ शकता.
