मंडळी महागाईच्या वाढत्या प्रभावामुळे आता दूध दरवाढीचा नवा फटका सर्वसामान्यांना बसणार आहे. गायीच्या आणि म्हशीच्या दुधाच्या दरात प्रत्येकी २ रुपयांची वाढ करण्यात आली आहे. त्यामुळे गायीचे दूध ५६ वरून ५८ रुपये, तर म्हशीचे दूध ७२ वरून ७४ रुपये महाग होणार आहे.
कात्रज डेअरीच्या बैठकीत निर्णय
ही दरवाढ पुणे जिल्हा सहकारी दूध उत्पादक संघ मर्यादित (कात्रज डेअरी) येथे झालेल्या दूध उत्पादक व प्रक्रिया कल्याणकारी संघाच्या सभेत एकमताने निश्चित करण्यात आली.
हे सुद्धा वाचा
दरवाढीमागची प्रमुख कारणे
- पशुखाद्य, वाहतूक आणि अन्य उत्पादन खर्च वाढल्याने उत्पादकांवर आर्थिक ताण वाढला आहे.
- वाढलेल्या खर्चाचा भार उत्पादकांवर पडू नये, म्हणून हा निर्णय घेण्यात आला आहे.
सर्वसामान्यांवर होणारा परिणाम
- चहा, कॉफी आणि दुधाचे पदार्थ महागणार.
- दुधाचे पदार्थ आणि मिठाईच्या किमती वाढण्याची शक्यता.
- उत्पादकांना काहीसा फायदा होईल, पण ग्राहकांसाठी ही दरवाढ आर्थिक भार वाढवणारी ठरेल.
महागाईच्या या लाटेमध्ये सामान्य नागरिकांना आणखी एक मोठा आर्थिक झटका सहन करावा लागणार आहे.
