शेतकऱ्यांच्या खात्यात पीक विमा जमा होण्यास सुरुवात , पहा नवीन यादीत तुमचे नाव

मंडळी शेतकऱ्यांच्या हितासाठी केंद्र व राज्य सरकार विविध योजना राबवत असतात. यामधील एक महत्त्वाची योजना म्हणजे प्रधानमंत्री पीक विमा योजना, जी शेतकऱ्यांना नैसर्गिक आपत्तींमुळे झालेल्या पिकांच्या नुकसानीपासून संरक्षण देते. या योजनेच्या अंतर्गत, पीक विम्याद्वारे नुकसान भरपाई दिली जाते, जेणेकरून शेतकऱ्यांना आर्थिक आधार मिळू शकतो.

अकोला जिल्ह्यातील खरीप हंगामातील नुकसान भरपाई वाटप सुरू

गेल्या खरीप हंगामात अकोला जिल्ह्यातील अनेक भागांमध्ये ऑगस्ट व सप्टेंबर महिन्यांत झालेल्या अतिवृष्टीमुळे शेतकऱ्यांच्या पिकांचे मोठे नुकसान झाले होते. त्या काळात अनेक शेतकऱ्यांनी आपल्या पिकांच्या नुकसानीची नोंद कृषी विभागाकडे ७२ तासांच्या आत केली होती. त्यानंतर कृषी विभाग व विमा कंपनीच्या प्रतिनिधींनी पंचनामे करून सविस्तर अहवाल तयार केला व विमा कंपनीकडे पाठवला.

आता या शेतकऱ्यांना नुकसान भरपाई मिळण्यास सुरुवात झाली आहे. अकोला जिल्ह्यातील जवळपास 2.75 लाख शेतकऱ्यांसाठी 78 कोटी रुपयांची नुकसान भरपाई मंजूर करण्यात आली आहे. मात्र, नैसर्गिक आपत्ती अंतर्गत फक्त 25% नुकसान भरपाईच देण्यात येत असल्याने शेतकऱ्यांच्या खात्यावर जमा झालेली रक्कम अपेक्षेपेक्षा खूपच कमी आहे. त्यामुळे काही शेतकऱ्यांमध्ये नाराजीचे सूर उमटत आहेत.

शेतकऱ्यांची अपेक्षा वाढवणारा टप्पा

अनेक महिन्यांपासून प्रतीक्षेत असलेल्या शेतकऱ्यांना आता काही प्रमाणात तरी आर्थिक दिलासा मिळत आहे. मात्र नुकसानाच्या तुलनेत भरपाई कमी मिळत असल्याने शासनाने याकडे गांभीर्याने पाहण्याची गरज आहे. भविष्यात अशा योजनांमधून शेतकऱ्यांना योग्य आणि पुरेशी मदत मिळेल, अशी अपेक्षा व्यक्त होत आहे.