मंडळी उन्हाळ्याच्या कडक उन्हात शेतकरी खरीप हंगामासाठी शेतीची तयारी करत आहेत. हवामान विभागाने ७ जूनपासून मान्सून सुरू होण्याचा अंदाज वर्तवला आहे. त्याआधीच शेतकऱ्यांसाठी एक आनंददायी बातमी समोर आली आहे – पंतप्रधान किसान सन्मान निधी योजनेचा २०वा हप्ता लवकरच शेतकऱ्यांच्या खात्यात जमा होणार आहे.
२०वा हप्ता जूनमध्ये मिळण्याची शक्यता
माध्यमांद्वारे मिळालेल्या माहितीनुसार, केंद्र सरकारकडून या योजनेचा २०वा हप्ता जून महिन्याच्या पहिल्या किंवा दुसऱ्या आठवड्यात शेतकऱ्यांच्या खात्यावर जमा केला जाण्याची शक्यता आहे. याआधीचा म्हणजेच १९वा हप्ता २४ फेब्रुवारी २०२५ रोजी वितरित करण्यात आला होता. योजना दर चार महिन्यांनी एक हप्ता वितरित करते, त्यामुळे वेळेनुसार जूनमध्ये पुढील हप्त्याची अपेक्षा आहे. मात्र अद्याप केंद्र सरकारकडून याबाबत अधिकृत घोषणा करण्यात आलेली नाही.
योजनेचा उद्देश आणि फायदे
प्रधानमंत्री किसान सन्मान निधी योजनेअंतर्गत शेतकऱ्यांना वर्षातून तीन हप्त्यांमध्ये एकूण ६,००० रुपये थेट त्यांच्या बँक खात्यात जमा केले जातात. प्रत्येक हप्ता २,००० रुपयांचा असतो. या निधीतून शेतकरी बियाणे, खते, कीटकनाशके आणि इतर शेतीसाठी लागणाऱ्या आवश्यक वस्तू खरेदी करू शकतात. २०१९ मध्ये सुरू झालेल्या या योजनेचा देशभरातील सुमारे ९.८ कोटी शेतकऱ्यांना फायदा झाला आहे.
लाभार्थी यादीत नाव तपासण्यासाठी कृती
1) PM किसान योजनेच्या अधिकृत वेबसाईटवर https://pmkisan.gov.in जा.
2) Farmer Corner विभागात Beneficiary List या पर्यायावर क्लिक करा.
3) आपले राज्य, जिल्हा, तालुका आणि गाव निवडा.
4) Get Report या बटणावर क्लिक करा.
5) यादीमध्ये तुमचं नाव असल्यास तुम्ही पुढील हप्त्यासाठी पात्र असाल.
शेतकऱ्यांसाठी दिलासादायक निर्णयाची प्रतीक्षा
खरीप हंगाम सुरू होण्यापूर्वी जर हा हप्ता जमा झाला, तर तो शेतकऱ्यांसाठी मोठा आर्थिक आधार ठरेल. मशागतीच्या काळात भांडवली गरज भागवण्यासाठी ही रक्कम उपयोगी पडू शकते. आता सर्वांच्या नजरा या हप्त्याच्या अधिकृत घोषणेकडे लागलेल्या आहेत.
