मित्रांनो आजच्या बाजारात अनेक मोबाईल नेटवर्क कंपन्या उपलब्ध आहेत, ज्या वेगवेगळ्या सुविधा आणि ऑफर्सद्वारे ग्राहकांना आकर्षित करतात. यामुळे ग्राहक त्यांच्या गरजेनुसार विविध कंपन्यांचे सिम कार्ड खरेदी करतात. काही लोक एकाच वेळी चार-पाच सिम कार्ड वापरतात, तर काही ड्युअल सिम सपोर्ट असलेले फोन वापरून दोन सिम कार्ड एकाच फोनमध्ये ठेवतात. परंतु, अनेक सिम कार्ड वापरताना काही सावधगिरी बाळगणे आवश्यक आहे, विशेषता सुरक्षिततेच्या दृष्टिकोनातून.
एकाच वेळी अनेक सिम कार्ड वापरताना सावधगिरी बाळगा
भारतातील मोबाईल कंपन्या ग्राहकांना आकर्षक ऑफर्स आणि मोफत टॉकटाईम देऊन त्यांना अनेक सिम कार्ड खरेदी करण्यास प्रोत्साहित करतात. परंतु, याचा गैरवापर करून काही लोक बनावट ओळखपत्रे वापरून सिम कार्ड नोंदणी करतात आणि त्याद्वारे गुन्हे घडवून आणतात. अशा प्रकारे, एकाच व्यक्तीच्या नावावर नोंदणीकृत असलेले सिम कार्ड दुसर्या व्यक्तीकडून वापरले जाण्याचे प्रकरण पोलिसांसमोर येत आहेत. म्हणून, सिम कार्डच्या वापराबाबत सतर्क राहणे आवश्यक आहे.
तुमच्या नावावर कोणी सिम कार्ड वापरत असेल तर कसे तपासायचे?
तुमच्या ओळखपत्रावर (आधार कार्ड, पॅन कार्ड इ.) नोंदणीकृत असलेले सिम कार्ड तुम्ही वापरत नसाल, तर त्याचे दुष्परिणाम तुम्हाला भोगावे लागू शकतात. उदाहरणार्थ तुमच्या नावावर नोंदणीकृत असलेल्या सिमद्वारे चुकीच्या किंवा बेकायदेशीर हालचाली केल्यास, तुम्ही कायदेशीर अडचणीत सापडू शकता. म्हणून, तुमच्या नावावर किती सिम कार्ड नोंदणीकृत आहेत हे तपासणे आणि तुम्ही वापरत नसलेले सिम कार्ड डी-ऍक्टिव्हेट करणे गरजेचे आहे.
तुमच्या नावावर किती सिम कार्ड आहेत ते कसे तपासायचे?
1) https://www.sancharsaathi.gov.in/ ही लिंक उघडा.
2) तुमचा मोबाईल नंबर आणि कॅप्चा कोड भरा.
3) OTP मिळविण्यासाठी रिक्वेस्ट OTP वर क्लिक करा. तुमच्या मोबाईलवर OTP येईल.
4) OTP भरून व्हॅलिडेट वर क्लिक करा.
5) स्क्रीनवर तुमच्या ओळखपत्रावर नोंदणीकृत असलेले सर्व सिम कार्ड दिसतील. तुम्ही वापरत असलेले नंबर ठेवून, इतर नंबर डी-ऍक्टिव्हेट किंवा डिलीट करा.
फ्रॉड सिम कार्डचा गैरवापर
अनेक गुन्हेगार टोळ्या दुसऱ्याच्या ओळखपत्रावर सिम कार्ड नोंदणी करून पैशांचा गैरव्यवहार करतात. शहरी आणि ग्रामीण भागातील अनेक लोक या टोळ्यांनी फसवले गेले आहेत आणि लाखो रुपयांचे नुकसान सहन करावे लागले आहे. अशा प्रकारच्या फसवणुकीपासून सुरक्षित राहण्यासाठी, तुमच्या नावावर नोंदणीकृत असलेले सिम कार्ड नियमितपणे तपासणे आणि तुम्ही वापरत नसलेले सिम कार्ड डी-ऍक्टिव्हेट करणे आवश्यक आहे.
दोनपेक्षा जास्त सिम कार्ड वापरत असाल तर
तुम्ही एकाच वेळी दोनपेक्षा जास्त सिम कार्ड वापरत असाल, तर तुमच्या आधार कार्डशी लिंक असलेला मोबाईल नंबर हरवू नका. असे झाल्यास, तुम्हाला OTP मिळविणे कठीण होऊ शकते आणि शासकीय योजनांचा लाभ घेण्यास अडचण येऊ शकते. शासकीय योजनांचा लाभ घेण्यासाठी तुमच्या आधार कार्डशी लिंक असलेला मोबाईल नंबर ऍक्टिव्ह आणि वापरात असणे आवश्यक आहे.
