नमस्कार मित्रांनो केंद्र सरकारकडून नागरिकांसाठी अनेक उपयुक्त योजना राबवण्यात येतात. या योजनांचा उद्देश केवळ नागरिकांना आर्थिकदृष्ट्या सक्षम बनवणे एवढाच नाही, तर पर्यावरणाचा समतोल राखणे देखील आहे. अशाच एका महत्त्वपूर्ण योजनेबद्दल आपण माहिती पाहणार आहोत – सौर पॅनल योजना.
या योजनेअंतर्गत सरकार नागरिकांना त्यांच्या घरांवर सौर पॅनल बसवण्यासाठी मदत करते. सौर ऊर्जेच्या साहाय्याने निर्माण होणारी वीज ही पूर्णता स्वच्छ आणि निसर्गपूरक असते. यामुळे पर्यावरणाची कोणतीही हानी होत नाही आणि वीज बिलातूनही मोठा दिलासा मिळतो. सरकारकडून या सौर पॅनलसाठी तब्बल ७८,००० रुपयांपर्यंत अनुदान दिले जात आहे.
सौर पॅनल एकदा बसवल्यानंतर पुढील २० ते २५ वर्षे कोणत्याही देखभालीचा किंवा खर्चाचा त्रास होत नाही. सूर्यप्रकाशातून निर्माण होणारी ऊर्जा वापरून आपण आपल्या घरातील उपकरणे सहज चालवू शकतो. यामुळे तुम्हाला वीजबिल भरावे लागत नाही आणि विजेची बचतही होते.
या योजनेचा लाभ घेण्यासाठी अर्जदार भारतीय नागरिक असणे आवश्यक आहे. त्याचे वय किमान १८ वर्षे असावे. हे दोन्ही निकष पूर्ण होत असतील, तर कोणतीही व्यक्ती या योजनेसाठी अर्ज करू शकते.
अर्ज करताना काही आवश्यक कागदपत्रांची गरज असते. त्यामध्ये आधार कार्ड, पॅनकार्ड, वीजबिल, उत्पन्नाचा दाखला, बँक खात्याचा तपशील आणि पासपोर्ट साईझ फोटो यांचा समावेश होतो. ही सर्व कागदपत्रे तुमच्याकडे असल्यास अर्ज करण्याची प्रक्रिया सोपी जाते.
सौर ऊर्जेचा वापर भारतात झपाट्याने वाढतो आहे. अनेक घरांमध्ये आता सौर पॅनल बसवले जात आहेत. सरकारकडून मिळणाऱ्या अनुदानामुळे सामान्य नागरिकही ही व्यवस्था परवडणाऱ्या किमतीत उभी करू शकतो. सौर ऊर्जेच्या वापरामुळे वीज टंचाईच्या समस्येवर मात करता येईल आणि पर्यावरणालाही मोठा फायदा होईल. सरकारकडून नागरिकांना आवाहन करण्यात येते की त्यांनी या योजनेचा लाभ घ्यावा आणि आपल्या घरावर सौर पॅनल बसवावेत.
या योजनेसाठी ऑनलाईन अर्ज करण्यासाठी अधिकृत वेबसाईटवर जावे लागते – https://pmsuryaghar.gov.in/#/. तिथे Consumer वर क्लिक करून Apply पर्याय निवडावा. त्यानंतर मोबाईल नंबर आणि कॅप्चा टाकून OTP च्या सहाय्याने लॉगिन करावे. त्यानंतर नाव, ईमेल, पत्ता, राज्य, जिल्हा, तालुका, पिन कोड आदी माहिती भरून अर्ज सादर करता येतो.
सरकारकडून सुरू झालेली ही योजना नागरिकांना आर्थिकदृष्ट्या स्वयंपूर्ण बनवण्यासाठी आणि पर्यावरण रक्षणासाठी एक महत्त्वपूर्ण पाऊल आहे. त्यामुळे आपणही या योजनेचा लाभ घेऊन आपल्या घरात सौर पॅनल बसवा आणि वीजबिलाच्या त्रासातून कायमचा मुक्त व्हा.
